Daagh to daagh hai phir daagh e daaman kya hai

Taskeen nahin to aaram e kafan kya hai

Hayaat khud kahani hai uska fasana kya hai

Vaaiz, qaasid nahin to yeh shirin zubaan kya hai

Humsafar ka hona har haal men hai ghanimat

Umr bhar saath na de to yeh tan man kya hai

Aate rahen anfaas to jeena bhi asaan hai yaro

Batao, phir har baat men tumhen uljhan kya hai

Mustaqil nahin hai bahaar khazaan ko aana hai

Is men bhala qusur be chaarey chaman ka kya hai

Subh shaam ka tamasha kaarwaan e shab o roz

Musalsal ravaani nahin to yeh darpan kya hai

Jagaana,uthaana, mazeed khuftagi se bachana

Naaseh, namah bar nahin to suraj ki kiran kya hai

Jaanam, farz banta hai tera har haal men khush rehna

Aakhir mehakna nahin to phir kaam saman ka kya hai

“Sahil”, yeh zaat paat ki baaten to samajh aati nahin hamen

Khuda ke bande nahin to kya vaaiz, barahaman kya hai

Qaasid. Messenger

Shirin. Sweet

Anfaas. Breaths

Mustaqil. Permanent

Musalsal ravaani. Continuous flow

Mazeed. Zyada

Khuftagi. Sleep

Paighaam bar. Messenger

Kiran ray of light

Saman. Jasmine flower

Vaaiz. Preacher