Shabnam barse phoolon per royen khaar be chaarey

Shabnam barse phoolon per royen khaar be chaarey
Kaun jaane kab woh jeetey kab koi baazi haarey

Nujumi aur sitaron per yaqin karen koi kaise
Kaunsi lakir kab kisey giraaye aur kab sanwaarey

Uth te hain be saakhta baatin men valvale saare
Udte jazbaat insan ke, uden hain jaise ghubaarey

Rishton ki bunyaad hai naazuk aitmaad ki woh qaba
Ghaflat se woh chaadar kabhi koi na utaarey

Jaan leni to aasaan hai aasan yeh bahot, magar
Bazm e hasti men kabhi inteqaam na sudharey

Tanha dil aziyat se raat apni hai guzaarey
Sun lena sada tu ‘sahil’ jab woh tujhe pukaarey