Khuda, jaam o meena men, har khumgah men hai

Khuda, jaam o meena men, har khumgah men hai
Chashm e num, teri muskaan, meri aah men hai

Woh talaffuz, har lahje, dunya ki zubaan men hai
Mere talkh andaaz aur teri har waah men hai

Kaafir ke dil men, qalb e momin, har aan maula hai
Dua men, ilteja men, woh lafz e tauba men hai

Tul’oo e subh aur ghurub e aftaab men hai
Girdaab men hai, sahil ki reton per, fiza men hai,

Aankh ki jhapak men, nazaaron men, sitaron men
Shams o qamar, gul o baagh, ghaib ki sada men hai

Basta hai har dil men yaqin o aitmaad, ‘Sahil’
Zaat e khuda, talatum o tufaan baad e saba men hai

Jaa o meena. Cup goblet
Chashm e num teary eye
Talaffuz. Pronunciation
Talkh. Bitter unsavoury
Qalb e momin. Heart of the Believer
Tulu e subh. Dawn
Ghurub e aftaab. Sunset
Shams o qamar. Sun n Moon
Ghaib ki sada. Angelic heavenly unseen voices
Aitmaad. Bharosa
Baad e saba. Gentle morning breeze

Ashok sawhny ‘Sahil’