Ek sadi bhi lag sakti hai umr bitaane men
Ek sadi bhi lag sakti hai umr bitaane men
Aur phir chund lamhe daastaan sunane men
Na aa sake tum na sahi per yeh to bata do
Waqt laga tha tumhen kitna bahane banane men
Zamaane guzre hain mere khaak udaane men
Isi khaak ko phir khaak se mujhe milaane men
Ya Rab, dekh khuftah hai kab se yeh insan tera
Waqt lagega aur tujhe kitna zameer ko jagaane men
Wafayi se aur zaalim kaho kaunsi hai shai
Jab lagti hai zeest saari isey nibhaane men
‘Sahil’, tu karta hai baaten saadagi o khulq ki
Bata, jeeta hai tu aaj kaun se zamaane men
Ashok sawhny Sahil
