Mera Watan

Hai duniya yeh meri, mera watan hai
Jaan hai yeh meri, mera chaman hai

Haail to hotey hain baaghon men sab ke
Khaar hai yeh mera, mera saman hai

Hun aashiq main is ka, bahaar o khazan men
Bhaadon yeh sab ki, mera saawan hai

Yaro, dhundte ho kya taaron se tum aage
Jab jannat yahin hai, yehi gagan hai

Naseem o saba ke mushtaaq to sab
Simoom is ki pyaari, yeh mera tan man hai

Gulaab ke bhi hotey hain khaar to , shaair
Tu keh de jahan se haseen yeh gulshan hai

Mera Jahaan, Hindustan hai mera
Ulfat yeh meri, yeh mera watan hai

Mahabat karunga isi se men ‘sahil’
Per, unsiyat ke qaabil to har insan hai

 

 

 

Ashok sawhny ‘Sahil’