Har aah men dua shaamil hai

Har aah men dua shaamil hai
Kaho, maut ya hayaat kaun haamil hai

Ik nafas se doosre talak hai zeest
Kaunsi subh, kaunsi shaam, kaamil hai

Munafiq duniya, doghle log
Jaane, naqli kya aur kya asl hai

Ashk e soz e dil to shola hai, bas
Tufaan se batao kya haasil hai

Jahan sab, sab kuchh jaante hon
Bata vaaiz wahan kaun aaqil hai

Nukta cheeni marz hai ajab, zurur
Yaro, yeh samajhna mushkil kyon hai

Ro raha hai dil tera, tu kuchh to kar
‘Sahil’, varnz sada e dil kyon hai

Ashok sawhny ‘Sahil’