Muhabat kya hai

Paigham e wafa ki baat hoti hai
Phir kambakht hijr ki raat hoti hai

Bahot ajab hai yeh maajra ulfat ka
Jaane kab kis se mulaqaat hoti hai

Umr bhar ka saath kuchh aasaan nahin
Har roz jahan kisi ki maat hoti hai

Zeest ulfat ki anokhi, alag hai zurur
Mukhtasar ya taweel hayaat hoti hai

Umeeden bahot is raah pe logo, per
Kya bosa e alvida saughaat hoti hai

Yaro pyaar kya hai, ‘sahil’ nahin umr se puchho
Jawaani o josh o kharosh ki baaraat hoti hai

Ashok sawhny ‘Sahil’