Jannat ki kis ne baharen dekheen

Jannat ki kis ne baharen dekheen
Khuld ki kis ne hooren dekheen
Gul chaman ke behtareen hain
Firdaus ki kis ne fizayen dekheen

Kya rakha hai khayal e saraab men
Aur kya kisi khana kharaab men
Yaro dua salaamtum karte jao
Kya rakha hai kisi ke jawaab men

Jawaab to duaon ke bhi nahin miltey hain
Murjhaye phool phir nahin khilte hain
Inhi baaton men hai zindagi , ‘sahil’
Chaak daaman aasani se nahin silte hain

Ashok sawhny ‘Sahil’

Leave a Reply

Your email address will not be published. Required fields are marked *