Zaat e khuda men tazabbub kya hai

Zaat e khuda men tazabbub kya hai
Har mazhab ko Rab ki talab kya hai

Uth ta hai sawaal zahn men zurur
Gar insaniyat nahin to mazhab kya hai

Aaj dooriyan itni hain aapas men kyon
Is hirs o hawas ka sabab kya hai

Har roz hain mukhatib aayene ke sab
Wohi shakl dikhe to ghazab kya hai

Khud parast insan bhoola hai aaj kyon
Unsiyat aur shai musaahib kya hai

Aawaragi hai fitrat insan ki ‘sahil’
Zameer hi batlaaye aakhir vaajib kya hai

Tazabbub. Dilemma
Talab. Desire
Hirs o hawas. Greed. Desire
Mukhatib. Saamne
Musaahib. Comrade
Vaajib. Proper. Appropriate

Ashok sawhny ‘Sahil’