Waqt e ikhtetaam hai banda tera ghulam hai
Waqt e ikhtetaam hai banda tera ghulam hai
Bula le jab chaahe tu ya rab khaali mera jaam hai
Le aunga tu kahey agar pyaala main sharaab ka
Pilana mai e naab maula farishton ka kaam hai
Jab bhi yaad aata hai tu bhoola hun khud ko main
Tere hi khayalon men mujhe sukun o aaraam hai
Pareshan kyon hai dunya itni tere hotey huay, ya rab
Mah o anjum o aaftaab sab men jazba e be aaraam hai
Naam tere hain itne yahan hairaan hoga tu bhi sun ke
Per, sab se awwal in men maula daulat tera naam hai
Mandir masjid o kalisa tafreeh ke yeh maqaam
‘Sahil’ na jaane ma’bad maula kis ja ka yahan naam hai
Ashok Sawhny ‘Sahil’
