Gham se na thi yaari koi
Na khushi se aashnayi

Na mahabat hui khud se mujhe
Na khud se kabhi judayi

“Sahil’, yeh kaisa falsafa hai
Ya koi daastaan tu ne sunayi

Na tareef hui koi teri
Na baji kahin shehnayi

Bahot kaafi hai yeh yaro
Ke na hui meri ruswayi

Jo karta hai rab ki ibadat
Phir wohi karta hai rahnumyi

Har maa ne baat aulaad ko
Har waqt yeh samjhayi

Afsos, ke aaj jahan men
Yeh samajh kisi ko na aayi

Masruf hai aaj dunya
Kaam hai husn aarayi

Danke na bajaye koi
To hamnawa hai khud satayi

Yeh nadaani nahin hai yaro
Aaj la parwayi hai intehayi

Na sahi manind e sumundur , ‘sahil’ per
Teri baaton men hai kuchh gehrayi

Sent from my iPad