Tapke jab bhi asnsu apne yaad aaya phir shabaab hamen

Woh mah o anjum, subh ki shabnam, guzre kal ke baab hamen

Tifli ke woh beetey din, dagmagaatey they jab qadam

Roothey aur woh hanste pal, yaad aaye phir ahbaab hamen

Bahaar hi bahaar thi, nishan khizan ke to they nahin

Gul aur hum they pur sukun, miley na behtar asbaab hamen

Chund dars miley shabaab men buzurgon se tab aise

Samjhe mainey hayat ke, na tang kiye phir saraab hamen

Zamana hi kuch aisa tha, ek baradari thi fizaon men

Miley tab be saakhta sawalon ke sab jawab hamen

‘Sahil’, Maula ho jab nakhuda har kashti e safar ka

Phir fikr kya talatum ki, miley jo miley sawaab hamen

Shabaab. Youth

Tifli childhood

Ahbaab. Friends

Asbaab. Things properties

Dars. Lessons

Saraab mirage

Be sakhta spontaneous

Nakhuda. Oarsman

Talatum storm

Sawaab. Compensation reward