Gar dard o gham na hotey to kya dua na hoti

Gar dard o gham na hotey to kya dua na hoti
Chashm num na hotey kya koi aah na hoti

Shifa na hoti, marham o dawa na hoti
Charahgar se phir koi ilteja na hoti

Bulbul na hoti, naghme chaman men na hotey
Dil fasurda na hotey zakhmi sada na hoti

Zulmaton men hoti dunya yeh saari, yaro
Gar aftaab na hota to phir subh bhi na hoti

Kya zururi hai wabastagi ranj o alam se, ‘sahil’
Kya naale na hotey, khuda ki chaah na hoti

Ashok sawhny ‘Sahil’