Maa
Pyaar thi, izzat thi, Ma tu to meri ibadat thi
Firasat, meri hayaat, naseehat o hasrat thi
Teri god men pala tha, yaad woh ab nahin hai
Per teri aaghosh men, ai Ma, kul jannat thi
Samajhne men tujhe qaasir tha main, kotahi thi
Tu samajh meri se baahar thi, Rab ki barkat thi
Kiya jitna bhi tujhse main ne pyaar, kum tha
Naadani woh meri, woh meri ghaflat thi
Munfarid hain maayen, manind e khuda, sab
Tu farishton se badh kar Rab ki ghanimat thi
Qurbaten huin naseeb umr bhar ‘sahil’ mujhe, per
Paak o muqqadas to bas Ma ki woh mahabat thi
Ashok sawhny ‘Sahil’