Raasta ho ghanera laazim to nahin

Raasta ho ghanera laazim to nahin
Raushan har savera laazim to nahin

Chaarahgar hai sahara maseeha nahin
Har baar ho mojaza laazim to nahin

Ashkon se mumkin dil halka ho jaaye
Per har baar ho aisa laazim to nahin

Qismat ko na koso ghaafil woh nahin
Qabool hovey dua laazim to nahin

Nuqte men qu’wat jahan bhar ki hai
Per har nuqta ho aisa laazim to nahin

Maana ke har ja hai wo dil men rakh usey
‘Sahil’, miley Rab har ja laazim to nahin

Ashok sawhny Sahil