Kuchh udaas hai dil justaju hai taskeen ki

Kuchh udaas hai dil justaju hai taskeen ki
Zururat hoti hai sab ko ik hum nasheen ki

Humnawa na ho to phir batlaye koi
Kya karenge nazakat hum mah jabeen ki

Hamdardi bharpoor saada lauhi zurur
Darkaar phir kyon ho kisi aafreen ki

Nahin hoti paabandi parwaaz per koi
Gar tasweer zahn men ho apni zameen ki

Kyon bhoola hai insan insaniyat ko aaj
Baaten sab taaqat aur fuzul tamkeen ki

Khayalon ko ‘sahil’ dar guzar mat kar
Salahiyat hai un men arsh e bareen ki

Ashok sawhny Sahil