Kyon jhijhakte ho tum mulaqaat se

Kyon jhijhakte ho tum mulaqaat se
Subh bhi to mila karti hai raat se

Hotey hain pyaare zakhm ulfat ke kuchh
Takleef zyada nahin hoti us saughaat se

Bolna hai aasaan, bahot aasaan taqreeren
Firasat to milti hai qalam dawaat se

Aaj daulat se milti hai duniya to saari
Per koi chain nahin milta auqaat se

Yaro, rooth te ho kyon qismat se tum
Usey bhi to hukm milta hai Rab ki zaat se

Aqeedah hai imaan, khuda sabka ek
Per nahin milta hai woh tehqeeqaat se

Khel sab naseeb ka hai, mehr sab khuda ki
‘Sahil’, kisey aur kya milega kaaenaat se

Ashok sawhny Sahil

Leave a Reply

Your email address will not be published. Required fields are marked *