Amn o chain ke daawe phir harkaten dekhiye
Amn o chain ke daawe phir harkaten dekhiye
Milne ke vaade phir qurbaten dekhiye
Badla badla sa hai zamaan aaj bahot
Rab se muqaabla, eejaaden dekhiye
Chatgpt se puchhiye duaaen kis kaam
Khuda se guzaarish, iltejayen kis kaam
Sajde na kijiye haath na jodiye
Dair o haram jaayen kis kaam
Robot banaane men lagey hain sab
Insan mitaane men lage hain sab
Aql bhi naqli to phir asl kya hai
Majazi khuda ban ne men lage hain sab
Mita do khayal khuda ka yaro
Jahanum bana lo dunya ka yaro
Raftaar badha lo maqsad bana lo
Parcham lehrao fana ka yaro
Shayad lutf dozakh ka behtar hoga
Bin paabandi ka Tik Tok o Twitter hoga
Musalsal honge hangaame yaro
Jalne na marne ka fikr hoga
Chalo karen haasil raaye sab ki
Vote phir ik roz aaye sab ki
Manzoor hai sab, anjaam bhi
Bhale ‘sahil’ jaan jaaye sab ki
Ab tu hi kucch kar Prabhu o Maalik
Insan to khud ko tabaah karega!
Ashok sawhny ‘Sahil’
