Yeh nafraten insan ki aaj ped paudon se kaisi

Yeh nafraten insan ki aaj ped paudon se kaisi
Qurbaten yeh batao hain patharon se kaisi

Mat bana lena inhen tum dushman e jaan apna
Yeh dosti ghamon se guzri yaadon se kaisi

Aasaan nahin pighalte sang dil kabhi koi
Koshishen phir rafaqaton ki mahlon se kaisi

Misl e sham’a ho jo be bas hawaaon men aakhir
Gar bujhna ho fitrat to aas umeedon se kaisi

Jawaab, sawaalon men hotey hain pinhan aksar
Umeed yun shadeed phir jawaabon se kaisi

Chaak daaman to yaro kimkhwaab ke dekhiye
Tawaqqo tumhari zar ke libaason se kaisi

Kya na dekhe hain tum ne rang badalte huay
Mahabaten phir kaho mahabaton se kaisi

Jab subh shaam ki daastaan hai hayaat ai shaikh
Teri gufatagu phir mahinon aur saalon se kaisi

Gar sar pe sauda na ho mehfil men kisi ke
‘Sahil’, unsiyat phir kisi ki teri ghazlon se kaisi