Aasaan hai rooth jaana aasaan nahin manana

Aasaan hai rooth jaana aasaan nahin manana

Naazuk bahot hai ‘sahil’ zanjeer e dostana

Fikr kyon hai charahgar, iltiyaam ki tujhe
Zakhmon ki to fitrat hai un ka bhar jaana

Muqqadar sab ka apna hai qismat se kya giley
Parwaane ka naseeb hai sham’a se jal jaana

Pursish ki gulon ne jab shikan na honey ki

Arz kiya tabassum ne meri fitrat hai muskarana

Jannat se koi ja nahin mazeed buland kahin
Bana lo pur sukoon tum apna hi ghareeb khaana

Dekhiye dervesh ko majnun ko bhi kabhi
Ek rab ko chahnewala, ek laila ka deewaana

Ghabrata hai kyon andheron se tu, ai insan bata

Raat ka to kaam hai thakey haarey ko sulana

Wohi log hain aaj bhi jo hua karte they kabhi

Badli hai to soch insan ki badla hai zamana

Jalwagah hai duniya yaad rahey shaair

Soorat se kya lena dena bas seerat ho sufiyana

Jald baazi se haasil kya raftaar waqt ki badlegi na

Sabr ka hi naam hai ‘sahil’, himmat e mardaana

Zanjeer e dostana. Chain of friendship
Charahgar. Doctor

Iltiyaam. Healing. Soothing
Fitrat. Nature

Pursish to ask

Shikan. Frowns

Tabassum Smile

Buland Higher. Greater

Mazeed. Zyada

Ghareeb khaana. Home

Abid. Worshipper

Shab. Raat

Jalwagaah. Theatre

Leave a Reply

Your email address will not be published. Required fields are marked *