Aaj jidhar dekhiye dasht e balaa khez hai
Sab ravaan hai aur raftaar e darya tez hai
Kya tu jaanta hai naseh kyon aur kis vajh se
Aaj akhlaaq o khulus jahan se gurez hai
Vahm ka tu shikaar hai lekin bata, ai kafir
Khuda ki zaat se tujhe kya aur kyon parhez hai
Khelta hai jo rangon se falak men woh haseen
Woh quas e quza to huzur aala rangrez hai
Kya kum hain museebaten jahan men, bol ‘sahil’
Phir raabita us se kis liye jo valvala khez hai
Ashok sawhny Sahil
Leave a Reply