Jis kitab ka unwaan sham’a e shabistan hai

Jis kitab ka unwaan sham’a e shabistan hai
Jaane likhi hai jis ne woh kaisa insan hai

Sawaal pecheedah hai tasleem kiya, lekin
Jawaab to seedha saada kaafi aasaan hai

Yun jaaniye khalaon men urney wala hai woh
Falsafiyana o deewana woh insan hai

Bayaan karna chahta hai khwab woh apne
Sukoot pasand hai ,mushtaq e shabistan hai

Sham’a e shabistan, khalwat ka charaagh hai
Wahan soya na jaaye to be hadd nuqsaan hai

Aur koi nahin hai yaro us kitaab ka likhne wala
‘Sahil’ hi iska mujrim hai ajab woh insan hai

Ashok sawhny Sahil