Pehchaante hain hum jism o aab ki shanasayi ko

Pehchaante hain hum jism o aab ki shanasayi ko
Hum ne dekha hai qareeb se behr ki gehrayi ko

Koste ho kyon bin soche yaro be rukhi ko tum
Khud ko na samajhe aur taraste ho humnawayi ko

Lagte hain daagh daaman pe rashk o hasad ke bhi
Ruswayi mat samajhna har afwaah e ruswayi ko

Ho jaati hai be saakhta yeh fitrat hai mahabat ki
Phir pabandi kyon samajhana rasm e wafaayi ko

Aaj rukte nahin hain paon kisi ke husool e jahan men
Aawara mat samajhna naaseh, tum kisi harjayi ko

Kamzor hotin khwahishen dum tod deti hain, ‘sahil’
Phir karteen hain woh alvida hausla afzaayi ko

Shanasayi  familiarity
Rashk o hasad  envy n jealousy
Be saakhta spontaneously
Humnawayi accordant

Ashok sawhny Sahil