Ji chahta hai ab daastaan e hayaat sunaane ko

Per, bulayen kisey jab tayyar na ho koi aane ko

Jab rooth jaati hai yeh dunya baat baat per aaj

To dil apna bhi nahin chahta hai phir manaane ko

Naraaz bulbul, yaas hain gul, baat baghbaan ki kya

Kya khaaron ko den hum daawat ab gungunaane ko

Baaten khud se na karun to kehiye kis se karun

Dosto, ji mera bhi ti to chahta hai dil behlaane ko

Aayena to aaj hamen bhi nahin pehchaanta hai

Aayena kya dikhlayen hum is badle zamaane ko

Ho sukun pur gar dil aur ahistah ho dhadkan

Us jee ka nahin karta hai phir kuchh bhi bolne ko

Har dil men hoti hai tamanna yeh zabardast

‘Sahil’, shab ke baad subh ko khush amdeed kehne ko

Ashok sawhny ‘Sahil’