Jannat ki kya khabar jannat yahan bana lo
Jannat ki kya khabar jannat yahan bana lo
Haiwaan bana hai insaan , usey phir insan bana lo
Nafraton ko dil se nikaalte huay
Hamdardi ko ‘sahil’ tum darmaan bana lo
Hangaame bahot hain har su jahan men
Vahshat bhari hai dilon ke armaan men
Kya kaafi nahin hai tamasha zamin per
Ab kis ne bulaya hai insan ko aasmaan men
Khuda bhi to yaro kuchh pareshaan hoga
Dekh kar kaaenaat ko zurur hairaan hoga
Naseem na saba, simoom hi simoom
Gulsitaan jahan ka kab registaan hoga
Samjhao hamen ai daanishmando
Dil toote hain kyon ai dil figaaro
Vahshat ke siwa jahan men aaj kya hai
Zameer ko bhooley ho, chalo ab to khuda ko pukaaro
Ashok sawhny ‘Sahil’
