Aaye jo yaad baar baar usey kyon bhulaaye koi

Aaye jo yaad baar baar usey kyon bhulaaye koi
Dil men tasweer ho munaqqash to kyon mitaaye koi

Daawon men ulfat ke hai sitam zareefi kaisi
Jaan jis per ho qurbaan usey kyon rulaaye koi

Dilon men sab ke soz o gham hai be inteha
Phir dil men kyon kisi ke ja aag lagaye koi

Gulsitaan men bulbul udaas bahot hai aaj
Rootha hua hai baaghbaan, ab ja kar manaye koi

Maanta hun aalam ka, bas ek hi hai khuda
Phir bandon men tafreeq kaisi yeh samjhaye koi

Qulzum bhi hai ghaafil kitna, ‘sahil’ ko dekh lo
Apne hi saharey ko kaho kyon dubaaye koi

Munaqqash engraved
Sitam zareefi. Irony
Tafreeq. Farq
Qulzum sea

Ashok sawhny ‘Sahil’