Woh muhabat kahan woh sajde kahan

Woh muhabat kahan woh sajde kahan
Haseen rukh woh raushan saaye kahan

Karey raaj gar talkhi shahr men yaro
Phir shirin zubaan aur lahje kahan

Jahan garmi e tufaan uda kar le jaaye
Wahan himmat e mardaan, iraade kahan

Bahot badey hain aaj ke bachey, afsos
Patangen woh kaaghaz ke safiney kahan

Shab o roz ki hulchal hangaame har ja
Woh sukun pur saazgaar mahiney kahan

Tu badalte zamane men dhunta hai kya
Din maazi ke ‘sahil’ woh suhane kahan

Rukh. Chehra
Talkhi. Bitterness
Safiney. Kashtiyan
Saazgaar. Likeable
Maazi past