Kabhi deedaar e shams o qamar kijiyeDil na bhi chhahe magar kijiye
Kabhi deedaar e shams o qamar kijiye
Dil na bhi chhahe magar kijiye
Shirin zabaan ho, ho sukhan saazgaar
Shakhsiyat ko apni amar kijiye
Bazaar hasraton ka, hai basta har dil men
Uthe jab koi hasrat to kuchh aur kijiye
Waqt se kya jhagre, giley us se kya
Jo chain se guzar jaaye uska shukr kijiye
Koi zaamin nahin hai tawaqqo phir kaisi
Jaisi katey zindagi basar kijiye
Sunta hai sabki woh Saqi hai sab ka
Dua rehmat ki us se aksar kijiye
Narm hotey hain dil to sab ke hi ‘sahil’
Koi pathar ban jaaye to sabr kijiye
Deedaar to see
Shams o qamar. Sun n Moon
Sukhan. Speech Writing, agreeable
Zaamin. Guarantor
Tawaqqo. Expectations
