Rooth gayi hai bulbul usey manayega kaun

Rooth gayi hai bulbul usey manayega kaun
Ab baaghbaan ko naghma sunayega

Jo sakoot e sumundur se na seekha kuch
Usey muzir e charb zubaani sikhlayega kaun

Aaj andheron men lipti hui hai yeh dunya
Andha nahin to nur e Rab dikhlayega kaun

Num chashm hi to jaane ashkon ka mafhoom
Batao rukhsati auron  ko samjhayega kaun

Jo waaqif hi na ho dil ki dhadkan se apni
Usey nigahon ki kh- moshi se milayega kaun

Jab ‘sahil’ nahin bhoolta reton ka woh udna
Phir, ahd e maazi ko bhala bhulaayega kaun

Ashok sawhny Sahil