Hum ne ashkon se bujha li aaj tishnagi apni

Hum ne ashkon se bujha li aaj tishnagi apni
Aur sham’a dil ki jala kar mita li teeragi apni

Hum to deewaane hain shaikh tasleem kiya, bata
Kya tu ne hosh men chhupaa rakhi hai deewanagi apni

Sharm o haya ka to deti hai dars qudrat hi aala
Shajar barg o baar se chhupata hai, barhaingi apni

Dhandora kyon peet te ho aakhir dikhawa kis liye
Us ke raqs men dekhiye dervesh ki bandagi apni

Hayaat ki roz e paidaish se humsafar hai peeri
Tumhen bhi to yaad aati hogi jawaan zindagi apni

Usey to fikr nahin hoti hai kisi baat ki, ‘sahil’
Libaas men jiski lipti ho us ki inkisaari apni

Ashok sawhny Sahil