Mata’a e shauq ya naqd e jaan

Chahat o khwab, raaegaan aarzu
Qafila e hasrat, la takmeel armaan

Ravaan hai darya, ravaan insan
Aana aur jaana yehi karwaan

Kuch nahin hai na guzeer
Ek nafas aur wohi hai jaan

Kaun mezbaan kya mehmaan
Ghar apne hi men gar tum ho mehmaan

Kaakh o gulzaar bhaley na ho pyaar
Afsos, yehi hai aaj ka zaalim insan

‘Sahil’, gardish ki baaten giley phir kya
Yeh qahr e khuda hai tum kyon ho hairaan