Aaj kehti hai dunya nadamat hai

Aaj kehti hai dunya nadamat hai
Kaho, kaisi yeh is ki aaj haalat hai

Har su tabaahi bandookon ka shor
Khudaya, insan ki tere kya jahalat hai

Mehr hai teri karam tera jahan per
Phir kaisi is bashar ki ita’at hai

Ab nigahen kisi se to milti nahin
Unsiyat yeh kaisi, kaisi ulfat hai

Shukr hai ‘sahil’ itna hi bahot
Ke dua ki abhi tak kuch aadat hai

Nadamat. Regret
Ita’at. Farmabardaari. Obedience
Bashar. Insan
Unsiyat. Bhaichaara

Ashok sawhny ‘Sahil’