Faani insan kab samjhega yeh tera mera kya hai
Faani insan kab samjhega yeh tera mera kya hai
Rauashan zahn men kaho yaro yeh ghanera kya hai
Puja dair o haram men ki ilteja kalisey men
Bata vaaiz marham nahin to phir dua kya hai
Parwaane ka junoon kaisa, sham’a ki be rukhi
Agar zaaya hona nahin hai to phir jalna kya hai
Jalwagiri bhi to shaikh thak hi jaaya karti hai, varna
Din bhar ki raushni ke baad yeh andhera kya hai
Kis ne kaha hotey nahin kohsaaron ke jazbe koi
Na hotey naaseh to bata yeh wujood e darya kya hai
Kyon baant ta hai hisson men insan sab kuch yahan, ‘sahil’
Tujhe samajhte hain log taajir phir yeh tera falsafa kya hai
Ashok sawhny ‘Sahil’
