Yeh kalaam Covid ke naam

Dekhiye qudrat ka intezaam naya
Covid hai tabaahi ka aaj naam naya

Hujoom e jahan se rehiyega zara dur
Tanhayi hai khairiyat ka nizaam naya

Maikashi ke usool kuchh alag hain Saqi
Piyenge zuroor magar miley jaam naya

Pehchaanana kisi ko bhi mushkil bahot
Maask hai hijaab ka ab naam naya

Haath milana galey lagna mana hai sakht
Haath jodna hai qaayeda e salaam naya

Kya karte hongey ghar per din bhar yeh mard
Mila hoga mardon ko ‘sahil’ zurur koi kaam naya

Qudrat. Nature
Hujoom e jahan. Crowds
Nizaam. Arrangement
Maikashi. Daaru peena
Usool. Rule
Jaam. Goblet pyaala
Hijaab. Veil
Qaayeda e salaam. The new greeting style