Kis ne ki khwabon ki sahi kabhi taabeer koi
Kis ne ki khwabon ki sahi kabhi taabeer koi
Badli kis ne haathon ki apni kabhi lakeer koi
Sahara sirf duaon ka koi qaasid un ka bhi nahin
Payambar na farishta na iltejaon ka safeer koi
Sufiyon ka falsafa tassavvuf woh kamaal ka
Hua na hoga kabhi aisa shayar na dabeer koi
Qudrat ke aagey jhukey insan kamzor hai bahot
Shiddat e tughiyaani se bachi kab taameer koi
Waqt ki baaten waqt hi jaane mizaaj uska jaane kaun
Mujrim waqt ko jaaniye jab ho kabhi taakheer koi
Baareeki aur nazakat unki halki phulki thi hamesh
Mazboot na hui ‘sahil’ mazeed rishton ki zanjeer koi
Ashok sawhny Sahil