Jhuka hua sar to koi saza nahin hoti

Jhuka hua sar to koi saza nahin hoti
Inkisaari se badh kar ada nahin hoti

Mamnoon rehna farz hai insan ka zurur
Iltejaon ki koi jaza nahin hoti

Mahabat, lafzon se kaamil nahin hoti
Dil sacha na ho to wafa nahin hoti

Mausamon men ja simoom ki hai apni
Us ke chalne se baad e saba nahin hoti

Laazim hai behna khoon aur paseena
Umeedon se shab kal subah nahin hoti

Marifat jo samjhe aur us raah pe chale
Usey darkaar e noor e khuda nahin hoti

Har shai ka maqaam us ka apna hai ‘sahil’
Siwa khuda ke to koi riza nahin hoti

Ashok Sawhny Sahil