Humsafar agar hum kalaam ho

Humsafar agar hum kalaam ho
To jeena phir kyon na aaram ho

Phir ravaani ho aisi koi haail na hon
Do daryaaon ka jaano inzimaam ho

Justaju na ho kisi shai ki kabhi
Jab paas ik sukun ka jaam ho

Shikan na gila kabhi ho aas paas
Muskaan aur mahz dua salaam ho

Dafn hon jhagre fitne yeh saare
Sabke labon pe Rab ka naam ho

Waqt e ikhtetaam men ai ‘sahil’ ji
Bas tarteeb se zeest tamaam ho.

Ashok sawhny Sahil