Gar dehleez per teri chund ashk hum ne ro diye to kya hua

Gar dehleez per teri chund ashk hum ne ro diye to kya hua
Samajhte hain aastaan jisey, wahan kuchh so liye to kya hua

Paheli hai ,muamma hai,ek masla hai yeh zindagi
Gham ke aansu dil men hum ne, gar dubo liye to kya hua

Haasil aur la haasil kya, jaise aaye vaise sab jayenge
Phir maano kuchh mauqe hum ne kho diye to kya hua

Haqeeqat ki jab baahon men jee li hai hum ne zindagi
Chund khwaab, kuchh saraab, bhi sajo liye to kya hua

Ta umr rahi hai koshish ‘sahil’, tukhm neki ke boney ki
Gar raah men kuchh, na khwasta beej bo diye to kya hai

Ashok sawhny ‘Sahil’

Leave a Reply

Your email address will not be published. Required fields are marked *