Raftah raftah chalti hai jo, saba hai naam uska
Raftah raftah chalti hai jo, saba hai naam uska
Haavi hona simoom per, yehi hai kaam uska
Qudrat ki woh den hai insan ko mubarak ho
Kisi per na bojh woh na hi koi daam uska
Udti chali aati hai ahistah se woh gaati hai
Mehakti hui khushbu woh, dil ka salaam uska
Jahan bhi woh jaati hai khushbu saath jaati hai
Hawa woh anmol hai, anmol hai aaraam uska
Mehak hai kamaal uski, thakan door ho jaati hai
Phailana apni mehak har ja, yehi hai nizaam uska
‘Sahil’, baat uski mat kijiye, jhonkon ka lutf lijiye
Jisey chhu jaati hai bana woh ghulaam uska
Raftah raftah. Slowly
Saba. Morning breeze, Zephyr
Haavi hona. Overpower
Simoom. Hot breeze
Nizaam. Arrangement